|
| Contact | Sitemap |
| Home |  |
Ramt | |
Bestjoer | |
Underwiis | |
Kultuer | |
Media | |
SCW | |
Sûnenssoarch | |
Nijsbrief |
 |
Tomke Tomke en syn hûntsje Romke binne werkenbere figuerkes foar jonge bern. Mar tagelyk is Tomke mear. It Fryske Tomke-foarlês- en taalstimulearringsprojekt (sûnt 1996) wol de Frysktalige lêskultuer fan jonge bern befoarderje om sa de taalûntwikkeling en it lêsgedrach fan bern te stimulearjen, sawol yn it Frysk as yn it Nederlânsk. It Tomkeprojekt makket dêrfoar materialen en biedt in rige fan aktiviteiten oan, sawol rjochte op jonge bern as op (oankommende) âlders en ynstellings dy’t harren mei dy groep dwaande hâlde. Dat soarget der ek foar dat der neitocht wurdt oer it taalbelied op bernesintra. Foar elke pjut yn Fryslân is der jierliks in Tomke-temaboekje, de aventoerkes komme by Omrop Fryslân op ’e televyzje en troch betûfte foarlêzers wurdt út it Tomke-temaboekje foarlêzen op sa’n 500 groepen op pjutteboartersplakken en bernedeiferbliuwen. Fierders is Tomke bekend fan de Tomke-foarstellings, de Tomkewebside en fan de materialen yn de boekhannels. It Tomke-projekt soarget ek foar byskoalling oan liedsters troch in jierliks sympoasium mei wurkwinkels. Fierders wurdt der jierliks Tomke-materiaal makke spesjaal foar bernesintra, lykas lêssuggestjes, taalspultsjes en praatplaten. De materialen en aktiviteiten slute oan by de Nederlânsktalige (VVE-) metoades en kinne as oanfolling brûkt wurde om sa wurkje te kinnen oan de meartalige sitewaasje yn Fryslân.  Gemeenten en provinsje hawwe de opdracht om mei te wurkjen oan de totale ûntwikkeling fan it bern en it foarkommen fan efterstannen. Om it projekt provinsjebreed troch te setten wurdt oan de provinsje in basissubsydzje en oan gemeenten in bydrage frege.
Sjoch de online brosjuere foar mear ynformaasje of nim kontakt op mei de Afûk, tel. 058-2343070, ynfo@afuk.nl.
|
 |
 |
