Foar skoallen yn Fryslân is it fak Frysk ûnderdiel fan de basisfoarming. Skoallen foar it fuortset ûnderwiis hawwe ek de mooglikheid om it Frysk as eksamenfak oan te bieden. Gemeenten kinne de skoallen foar fuortset ûnderwiis stimulearje om it Frysk oan te bieden as eksamenfak. De gemeente Opsterlân jout bygelyks in stimulearringsbydrage foar de kosten dy’t anneks binne mei it oanbieden fan it Frysk as eksamenfak yn it VMBO en de gemeente Dongeradiel sil in priis beskikber stelle foar de skoalle mei de measte eksamenkandidaten Frysk.
Fierder kinne gemeenten wize op it gebrûk fan ICT om it Frysk te learen. 
Ek kin wiisd wurde op de mooglikheden foar by-opliedingen Frysk foar it personiel en kin de gemeente de skoallen oantrune om in taalbeliedsplan op te stellen dêr’t de mooglikheden foar it Frysk as fak en as ûnderwiistaal yn beskreaun steane.

Sjoch foar mear ynformaasje by de ferskate taalnota’s of ynformearje by Cedin:

Cedin
(Taalsintrum Frysk)
Oostergoweg 6
8932 PG Ljouwert
tel: 058-2843434
http://www.cedin.nl/